郭富城自認家庭觀念重 不抗拒再添新成員

2023年07月19日 19:42
東網電視
更多新聞短片
「舞台王者」郭富城以美心全球代言人身份出席發布會,同時首播其最新廣告歌,自認是傳統Family man,小時候與家人中秋團年食月餅令他印象深刻,他透露完成澳門演唱會後稍作休息,9月便到英國開騷,他會較準時間,於9月28日凌晨踏入家門,不想錯過與家人共度中秋的美好時刻。他稱太太都好錫兩女,打算跟他到英國為女兒置裝。
城城有兩個寶貝女大寶和二寶,同遺傳城城的跳舞天分,其中廣告歌中有個動作就是由大寶提供:「我同大寶討論邊個動作好啲,佢覺得兩手放平動作較好,佢有學跳芭蕾舞,可能有少少遺傳我,導演都讚好,証明女有眼光。(若果大寶二寶各畀意見會點做?)通常妹妹會跟家姐嘅!」他覺得把家庭的快樂融入其中,特別有意義。他又分享拍攝時天公作美,原本整日下着雨,但一開機便停雨,過程順利。
受訪時稱自己的家庭觀念好重,現在很享受做爸爸的階段,並會樹立榜樣,身教女兒:「我本身對自己好苛刻,依家係加倍,因為兩個女會睇到,之前大寶過澳門睇我演唱會,將我台上的post畫低送畀我,係佢腦海中嘅我,好開心。」又稱大寶已懂得唱他的國語歌《我是不是該安靜的走開》,大讚她國語音準。
問到他有否計劃再造人?城城覺得現在兩個女是剛剛好,待女兒再長大點再算,希望順其自然,並不抗拒:「做完演唱會情緒好高漲,會瞓唔着,但瞓幾個鐘,朝早就要起身帶小朋友,所以有時頭都大埋。」