樂壇新丁梁樂童拍MV　獲偶像劇男生拖手仔

由HOY TV《就是青春》出道、樂壇新人梁樂童首支單曲《心甘情願》正式推出，這歌是HOY TV現正熱播劇集《雲襄傳》香港版主題曲。

拍攝MV當日正遇上橫風橫雨，難怪她被指「貴人出門招風雨」，她說：「好彩等咗個幾鐘，終於出太陽。」導演特別為畫畫了得的她度身訂造角色，MV故事講述她有個一齊畫畫的暗戀對象，導演安排一個靚仔給她做男主角，她覺得對方似台劇偶像：「估唔到第一次拍MV除咗好興奮，仲好緊張要演戲，好耐冇試過畀男生拖手，真係有種心如鹿撞嘅感覺，好彩都順利完成，佢哋仲笑話係要呢種反應。」

她好開心第一次拍MV就遇上好好的幕後團隊，面對颱風天氣大家都好專業好細心，她說：「好夢幻覺得自己好似個公主，得到大家嘅照顧愛錫，好鍾意自己嘅造型，好期待MV製成品，希望大家都會喜歡。」