松岡李那減肥成功33C上圍縮水　廣東話唔正惹爆笑

日模松岡李那今日（22日）出席瘦身產品JELLY FIT活動，身穿貼身露腰裙，凸顯Fit爆身段，自言最近勤做運動及食瘦身產品而減肥成功，纖腰由24吋減至22吋，但33C上圍縮了半Cup，不過因為太愛食，所以不會戒口。

活動上，她大講廣東話，可是將「食極唔肥丸」講錯為「食得唔肥丸」，另又講錯「腩之消失」為「淫之潮濕」，只得益生菌三個字發音正確，令人發笑，但相比之前的日式廣東話已明顯進步。

她用中英夾雜受訪，指早前到兩度到日本探親及公幹，問是否到日本見男朋友，她說：「冇男朋友，好寂寞。（有冇人追？）唔知道。」問到理想男友條件？她笑得開懷說：「最緊要識影相，影得我好靚，我鍾意嗰類好特別嘅，但唔係肥佬同埋禿頭，要少少靚仔，唔使好有錢，同埋思想上溝通到，每個人追求都唔同。」又話沒有拖拍的日子，最愛宅在家中玩Online game。