張頴康親證已續約無綫：我點會唔簽？

藝人張頴康早前於無綫劇集《法言人》演戇直律師深受觀眾喜愛，惟近日卻傳出離巢效力17年的無綫，加上太太麥雅緻更公開表示會支持丈夫決定，令傳聞甚囂塵上。不過原來阿康早於幾個月前已動筆續約，一紙合約為期幾年，無綫除了人工照加，還為他物色「男一」劇集，條件相當不俗，阿康昨日接受東網訪問，直言傳聞亦令公司誤會他有離意：「其實我都唔知點解有呢個傳聞，我點會唔簽，大家傾咗好短時間就決定繼續(你有冇提出要求?)我有咩資格開條件？公司都不斷畀機會我，依家拍緊《逆天奇案2》，之後下月尾又有新劇，檔期都排到出年4月，仲想點呢！(但太太言論令外間覺得你唔簽!)佢唔可以代表我答任何嘢，本身佢都少答呢啲嘢，重點佢想講係點都會支持我。」