「馬國女神」林宣妤收埋靚仔阿哥　撞樣台灣男神修杰楷

「馬國女神」林宣妤留港發展，早前佢27歲生日，獲哥哥林家俊（Jason）專程來港慶祝，Jason網晒同妹妹合照，並留言：「我最最最最最親愛的妹妹，生日快樂Happy Birthday！」今次佢哋同框，令唔少網民都驚訝林宣妤收埋個靚仔哥哥，大讚佢哋DNA強勁外，更有大批網友指哥哥撞樣台灣男星修杰楷：「個男仔係賈靜雯老公？」、「太像修杰楷了吧」。有指Jason唔止靚仔更事業有成，從事保險業嘅佢，更係百萬圓桌（MDRT）會員之一！