關心妍爆7歲女兒好動：喺間房整咗個攀石牆畀佢！

歌手關心妍（Jade）與女兒心心今日（23日）現身書展為小朋友講故事，Jade透露今次是第二度出書，所得收益會用作慈善用途，她帶同女兒一齊宣傳新書及講故事：「心心係第一次喺大眾面前講故事，喺屋企都有同佢練習，練習咗一個月左右，佢今年一年級，大部分嘅字都識睇，不過就要用口語化去講出嚟，可能唱歌對佢嚟講容易啲。」

她表示今日是心心的7歲正日生日，女兒十分乖巧，犧牲生日慶祝來宣傳新書，希望賣得好成績，可為基層家庭籌到更多善款，問到會否為女兒補祝生日？她說：「會補祝，其實過去一星期，我每日都有送小禮物畀佢，同佢倒數生日。」心心自言在眾多禮物中最愛攀石牆，她說：「我將佢間房整咗個攀石牆，因為心心好好動，唔鍾意玩公仔，我諗咗好耐又同老公商量過，決定搵人整個攀石牆畀佢，佢好開心，佢細個話夢想嘅房間係有個攀石牆，今次夢想成真。不過我哋有做足安全措施，地下有厚墊，而且我屋企個樓底好矮，所以都好放心。」