自揭身份證英文名　Angelababy原來叫阿Wing！

內地女星楊穎（Angelababy）一直以藝名「Angelababy」活動，不過去年開始有傳官方下令「禁用洋名」，多位藝人先後改名重新出發，同時Angelababy亦陷入紛擾，不過1年過去，眼見佢依然以Angelababy走天下，不過最近佢就自揭身份證上嘅英文名字根本唔係「Angelababy」。

Baby上內地電競節目《戰至巔峰》，眾星傾到要為戰隊改名，主持張大大笑稱佢上一季叫「Win戰隊」，被網友寸「結果沒有贏」，點知Angelababy就插話表示：「我身份證上的名字是Wing，Yeung Wing」，即楊穎嘅英文譯音，在上海出生嘅Baby，13歲時移居香港並取得香港身份證，所以英文名字用上粵語拼音，熱搜榜亦立刻出現「#楊穎的英文名不叫Angelababy」話題。