太太自爆生活都不能自理　何潤東分居16年終同住

型男何潤東同太太Peggy（林姵希）2016年結束愛情長跑9年，但原來咁多年嚟二人一直分開住，因何潤東大多喺內地拍戲，婚後聚少離多，Peggy亦專注於自己嘅手工飾品事業，不過原來半年前Peggy已一舉搬到橫店，小倆口從交往至今終於結束16年嘅分居生活！

今年初陸續有人喺橫店偶遇何潤東同Peggy身影，後來兩人開始合體拍短片同直播帶貨，不過甜蜜背後卻暗藏心酸，原來Peggy因長年做手工，導致手受傷，亦被網友發現佢手戴護具拍片，嚴重時生活更加無法自理，所以先會搬去橫店養傷：「嚴重的時候，生活都不能自理。」