孫儷一拖二暢遊新加坡被直擊　囝囝長相激似鄧超

內地女星孫儷同老公鄧超向來恩愛，育有一子一女嘅2人更喺圈中出名嘅「模範夫妻」，特別係其明確嘅「分工合作」生活模式，簡直羨煞旁人。而近日，繼孫儷喺社交網晒出一家大細喺香港享受天倫樂後，竟被網友直擊帶咗仔女去新加坡主題樂園玩之外，就連12歲囝囝「等等」嘅真面目亦罕見曝光。

日前被網友直擊，陪一對仔女去咗新加坡主題樂園玩嘅孫儷，只見佢黑衫、黑帽打扮低調，加埋包到冚嘅防曬打扮，可以話係同時做足保密措施，不過即使孫儷戴住黑超素顏上陣，仍難掩星味濃，被網友野生直擊之餘，就連身邊嘅囝囝「等等」都意外曝光，只見囝囝身形瘦削高挑外，眉眼更喺似足爸爸鄧超，鼻子以下則似足媽媽孫儷，清秀嘅長相亦引嚟唔少網友激讚「小帥哥」。