靈戲逼人︱龔嘉欣劇透結局喊到崩潰　收視28點咀張振朗

龔嘉欣、阮浩棕、吳子冲、蔚雨芯、羅毓儀等在紅磡出席無綫劇集《靈戲逼人》之「誰是終極兇手」結局篇宣傳，男主角張振朗則因病缺席。席間大會公布劇集收視錄得最高23.3點，有150萬觀眾棒場，成為連續兩周翡翠台黃金時段節目冠軍。嘉欣指振朗原本要唱歌表演，但因發燒而缺席，又感劇集宣傳一直未能齊人可惜。講到好收視她指是意料之外，透露拍攝結局時與振朗喊到崩潰，她說：「結局喊到眼腫，有少少畀振朗嚇親，大家都喊到崩潰，睇重播都仲喊緊。」講到結局並不是happy ending ，嘉欣則說：「睇你點睇，我就鍾意呢啲虐心、好感動、好澎湃嘅結局，好有挑戰性。」

遊戲時擲骰嘉欣要與阮浩棕錫錫，她笑言錫錫要有28點收視，改為錫面，講到結局若有28點收視是否會與振朗現場咀嘴？她笑說：「同李成昌都得，戲入面講前世昌哥暗戀我，講吓啫，都係同振朗啦。」笑問可擔心昌哥頂唔順？她笑說：「等我問吓佢肯唔肯先，可能佢唔肯呢，都好想收視有一個完美嘅結局。」