近年轉戰內地的無綫視帝王浩信接受陳敏之訪問，雙方曾合作劇集《富貴門》及《溏心風暴3》，對於奪得兩屆「最佳男主角」獎，他表示：「嗰段時間覺得好迷茫，以前想攞獎證明自己，但攞咗後就不斷思考人生目標係乜。」他後來想通，覺得毋須過度焦慮，定下以演好戲為目標，而他現已成功登「陸」，獲邀請參演內地劇集及綜藝節目。

他指兒時最愛畫畫，從沒想過當演員，長大後受「四大天王」影響而愛上唱歌及演戲，曾鼓起勇氣報名無綫兒童藝員訓練班，但遭爺爺反對而打消念頭，至20歲被發掘成為歌手，最後成功轉型成為演員，逐步踏上視帝之路。