Anson Lo開騷追星成功　偶像阿Sa驚喜任嘉賓

MIRROR人氣成員Anson Lo（盧瀚霆）昨晚（25日）繼續於亞博展開一連四場首個個人演唱會，組合Twins成員蔡卓妍（阿Sa）驚喜現身擔任嘉賓，一齊跳唱《女人味》，令全場High爆。Anson Lo自小視阿Sa為偶像，如今追星成功，即忍唔住表示：「我細細個⋯」，阿Sa笑住嘆氣，Anson Lo即識做改口：「我『一』年前每個星期都去抽Yes卡，抽唔到Twins就會喊，會扭計同唔開心，同埋我係有齊晒所有Twins嘅CD。」阿Sa則表示好開心能擔任嘉賓，並大爆原來早已認識Anson Lo：「喺一間串燒鋪，我哋一齊食過串燒，嗰時你話我聽要去比賽，我仲叫你加油，所以今日嚟到呢度係好替你高興。」化身小粉絲嘅Anson Lo直指唱一首歌未夠喉，即再與阿Sa合唱《多謝失戀》，自肥成功！