吳謹言爆疑同居《延禧》男星　曾晒親密合照秒刪

憑《延禧攻略》爆紅嘅內地女星吳謹言，近日爆出與同劇飾演和親王「弘晝」嘅男星洪堯同居，更被指「戀愛腦」，不顧男方負面新聞多多堅持拍拖。有內地媒體拍得吳謹言凌晨1點喺助手陪同下回到橫店居住嘅小區，但不久後洪堯駕車到場，並停泊於吳謹言座駕旁，並一同落車進入大樓。其實2人早於2019年爆出戀情，當時吳謹言直接否認緋聞，但男方卻發出2人親密合照後秒刪，引起外界聯想。