港姐2023︱「金髮蔡思貝」網上投票暫時領先：會做到最好

《2023香港小姐競選》16位候選佳麗今日（28日）現身將軍澳電視城，大會並即席公布「你最Like的心水佳麗」網上投票5強走勢，最高票數分別是（16）郭珮文、（17）王敏慈、（15）莊子璇、（12）梁晶晶、（3）鄧凱文。

網上投票暫時領先的郭珮文票數，問到對三甲是否有信心？她說：「冇期望，自己好怕失望，所以對三甲冇咩期望，會做到最好。」莊子璇亦打入網上投票五強，她說：「人氣唔係考慮嘅因素，都係睇當晚嘅表現。」講到師姐馮盈盈覺得子璇甚有她的影子，她說：「可能我同佢都係讀同一科營養學，自己私底下都幾搞笑，都想好似盈盈咁做主持。」

佳麗近期完成越南外景拍攝與廣東親善之旅，郭珮文直言旅程吃多了，又要再努力減肥，講到決賽若有才藝表演會表演甚麼？她自言學習快，到時再決定。