95歲白雪仙現身精神奕奕　張家輝自嘲骨架老難學粵劇

粵劇名伶白雪仙，晚上（28日）與兩位愛徒陳寶珠及梅雪詩（阿嗲）出席任白慈善基金電影籌款活動，欣賞修復版粵劇《李後主》，影帝張家輝及林家棟亦有到場支持，已屆95歲的仙姐精神奕奕，更不時拉着現場嘉賓好友合照留念。早前受坐骨神經痛影響的寶珠姐表示正在康復中，稱最希望能見到由仙姐演出的粵劇戲寶《西施》作修復，問到有否收藏自己昔日粵語片作品？她説：「要遇啱電視播先可以錄低，放晒喺個倉，近年同阿嗲做嘅粵劇都有收藏。（幾時同阿嗲再合作？）有傾過嘅，不過未知幾時。」身旁阿嗲即補充：「希望在人間，都想一齊做《紫釵記》」

至於一頭金髮現身的張家輝，笑言新造型全為配合今晚活動及與大家拉近距離，他表示自少受粵劇及粵語片薰陶，所以有粵劇活動皆會盡量支持，問到會否有興趣學粵劇？他笑言：「我骨架太老啦，留畀年輕一輩去參與，我都係負責欣賞啦。（會推介畀阿女睇？）佢連我啲戲都冇睇，留番佢自己發掘啦。」