楊冪被爆經常來港探女兒　同前老爺劉丹各執一詞

內地女星楊冪同前夫劉愷威育有1女「小糯米」，佢哋離婚後各有各忙，楊冪事業發展亦愈來愈好，工作忙到爆嘅佢，曾被前老爺劉丹指好少來香港見個女，不過就未聽過「小糯米」話想念媽咪，暗示佢哋母女關係疏離。而喺今年3月楊冪與父母來港入住酒店，楊冪父母手中拎住一箱玩具，網友估係嚟探「小糯米」，但係劉丹曾對此表示對於楊冪一家來港唔知情，稱冇見到楊冪本人。

到咗今日（28日）有爆料指楊冪經常去香港探囡囡「小糯米」，只係為咗保護女兒隱私，行事低調，會喺廣州或者深圳直接過嚟香港，同劉丹嘅講法完全相反，各執一詞，引起網民熱議，有粉絲就力撐：「楊冪從不喜歡拿自己的家人、私事搶眼球。」