东网电视
更多新闻短片
视帝陈豪（阿Mo）、胡定欣、萧正楠、张曦雯（Kelly）、郭柏妍及张宝儿等一众演员，今日（30日）齐集将军澳，为将于明晚首播的无綫新剧《破毒强人》作宣传，吸引大批粉丝到场支持。众人穿上一身黑、白配搭服饰喻意黑白对决，分队于台上大玩游戏，以气枪射破气球，惊险刺激。
胡定欣以白色恤衫配衬黑色贴身裤，露出迷人小蛮腰，受访时笑言因天气热故要清凉一下。谈到剧中对手阿Mo要以“气声”讲对白，定欣坦言最初有点不习惯：“有时佢沙声或者气声嘅时候，未必会听得咁清楚，不过当大家投入咗各自嘅角色就习惯，会扮听到照接落去讲对白。”
身旁阿Mo则表示出道时已习惯演声沙，故今次角色可大派用场，问到会否担心家中小朋友看到他饰演奸角？他説：“唔怕，佢哋好少睇电视。”问到他间中亦会登台献唱，扮声沙有否影响声线？他笑言只是用气故没有影响：“耐唔耐都有登台，喺疫情期间系少咗。（佛山登台唱2首歌稳袋16万？）价钱我唔系好清楚，我上去系表演者，做番歌手身份。（有冇考虑出歌？）我呢啲有限公司，听咗就算啦，唱人哋啲歌好啲，哈哈！”
胡定欣听唔惯陈豪用气声讲嘢。
陈豪出道时已习惯演声沙，今次可以大派用场。
“黑白对决”！
于剧中演因卧底身份败露而被打毒针，以致全无表情的萧正楠，坦言难度极高：“所以拍嗰几个月都刻意同大家保持距离怕混得太熟，都担心大家会误解我无礼貌。”身旁Kelly即恍然大悟：“佢讲完我依家先明，唔难得佢嗰阵咁Cool，不过我都照样同佢讲嘢，有时佢听完‘哦’一声就走咗，个反应好好笑，因为我有时会讲咗英文，仲以为佢听唔明我讲乜，哈哈。”她指与阿萧演亲热戏时，感觉自己有点“夹硬嚟”，因对方目无表情，阿萧笑言：“我感觉几正，原来被追求嘅感觉系咁嘅。”谈到为角色要剪短头发，Kelly坦言要把长秀发剪去非常不舍：“后来发现短发好配合角色，带动演出时更加投入。（会唔会挑战超短发型？）再剪？好吖！如果角色需要，最多剪完戴假发。”
萧正楠全无表情做戏难度极高。
张曦雯非常唔舍得剪咗把长秀发。
胡定欣大晒小蛮腰。
