何超蓮法國大解放　罕晒水着唔怕竇驍詐型？

賭王千金何超蓮婚後與老公竇驍各有各忙，新婚即「分居」，近日超蓮撇甩老公去到法國旅行，連日來大晒多張旅行靚相，呢日更索性去到海邊大解放，見佢以一身黃色吊帶連身裙上陣，綁上髮帶，充滿巴黎風情。不過原來好戲在後頭，超蓮加碼晒出激罕水着Look，比堅尼Top配短褲，雖然只係遠鏡，但已經清楚見到其澎湃深長事業線，相當「胸」狠！