梁允瑜陽光海灘玩遊戲　騷粉色比堅尼賣大包

早前順利簽約成為無綫旗下藝人嘅「粗口港姐」梁允瑜（Chloe），憑飾演《愛．回家之開心速遞》人事部經理Mocha一角成功入屋嘅佢，最近就趁住空餘時間同閨蜜一齊去咗小欖沙灘同陽光海灘玩遊戲，盡騷傲人好本錢之餘，原嚟佢都係一位胸懷大「痣」之人！

尋日，Chloe喺社交網晒出一段同閨蜜去咗海邊玩嘅影片，只見換上淡粉色吊帶比堅尼嘅Chloe，畀太陽曬到臉紅紅之餘，飽滿嘅34C「湯碗胸」同樣畀太陽曬到勁搶Fo，而隨着Chloe轉動鏡頭，迷人嘅曼妙身材亦大方騷畀大家睇，纖纖小蠻腰同白滑美腿同樣吸睛，短短幾秒嘅影片令人忍唔住重播再重播，性感度爆燈！