Frankie首演音樂劇竟然最怕唱歌　預告會請MIRROR撐場

人氣男團MIRROR成員Frankie（陳瑞輝）、「ViuTV一哥」強尼、黃靖程及馮志佑今日（4日）現身觀塘，出席有份參演的音樂劇《大象的告別式》發布會分享感受，音樂劇將於9月16至24日假西九戲曲中心公演。首次演出音樂劇的Frankie坦言心情緊張：「要同時兼顧唱歌、跳舞同演戲，好大挑戰。（最難邊樣？）唱歌！我性格比較內斂，以前唔敢唱，不過依家好咗好多，加上近排密集排練，開始放膽唱。」他表示會邀請其他MIRROR隊友撐場，但未知大家能否夾到時間，又指12子合作的電影《12怪盜》仍在後製中，故未知何時上映，坦言期待再次挑戰拍電影：「以前好想試演情緒形角色，但發覺好有難度，都係做返拿手嘅感情線。」

至於強尼就大讚Frankie有很大進步：「《造星》到依家，呢5、6年佢儲到好多嘢。（可以教下路？）我未夠資格，MIRROR去過好多大場館表演，我經驗比佢哋仲少。」他表示會很享受今次演出機會：「以一個戲劇形式去唱歌，加上咁靚場地，對我嚟講係一種享受。」