Baby激罕晒三點式　長腿目測有44吋

女星Angelababy（楊穎）早前去咗意大利旅行，呢日佢網晒旅遊Vlog影片，激罕解放三點式！見佢去到有「全球最美島嶼之一」之稱嘅意大利小島Capri，享受度假風情，佢先着上背心吊裙，喺海邊餐廳歎特飲，之後換上白色比堅尼出海，並企喺船邊跳落海，雖然只得短短幾秒鏡頭，但其弗爆身材已經一覽無遺，纖幼四肢加上逆天長腿，其中佢身同腳成「七三比例」，以米六身高計算，美腿有成44吋長，相當吸睛！佢又近鏡自拍，對住鏡頭撥弄秀髮，兼展露迷人鎖骨，電力四射。