梁家輝王鎮泉即場鬥戲　原來相識10幾年！

藝人梁家輝與葉童，最近作客無綫娛樂主播王鎮泉（泉泉）的節目《電影泉攻略》，宣傳主演新戲《我愛你！》，泉泉開心表示：「戲入面家輝飾演一個回收舊物嘅老闆，而葉童就飾演佢患有腦退化症嘅老婆。佢哋兩位除咗同我傾電影之外，仲同我一齊演咗個小劇場，可以親身同兩位資深演員鬥戲，簡直係夢寐以求。佢地兩個毫無架子，又唔介意拍多幾個唔同機位鏡頭，家輝仲話唔怕試個再好啲嘅take。佢哋果然係影帝同影后級，一睇兩眼就記晒全部對白，仲好入戲，又會加少少搞笑嘅演法，所以我哋台前幕後都玩得好開心。」

梁家輝更笑指自己有留意泉泉過往主持節目：「佢話我着得好西裝骨骨講電影，做得唔錯，開心到我唔識反應。佢又清楚記得我同佢對上一次幾年前喺邊度見面同做緊乜嘢，甚至連十幾年前訪問過佢嘅主播軼事佢都提起，真係不得不佩服佢咁好記性！」