潘瑋柏老婆激罕現身　奢華行頭要價25萬

台灣歌手潘瑋柏2020年同有「最美空姐」之稱嘅宣云（Luna）結婚，不過2人婚後生活相當低調，除咗新婚時女方晒出過一次全家福後，平時幾乎鮮少同框互動，引嚟外界對佢哋嘅夫妻生活非常好奇。而近日，潘瑋柏同老婆宣云就畀粉絲機場捕捉，夫妻嘅私下互動亦被曝光。

近日，喺機場畀粉絲野生捕捉到嘅潘瑋柏同老婆宣云，同樣都係黑色系服飾打扮嘅夫妻2人，雖然打扮樸素低調，不過宣云嘅低胸連身裙就相當搶Fo，貼身裙下嘅玲瓏浮凸好身材同埋露出嘅白哲騷胸，都相當震撼眼球。

除此之外，亦有眼尖網友發現宣云雖然打扮低調，不過身上嘅行頭就相當唔低調，先喺指出宣云身上件黑色連身裙要價約1萬5千港元、身上嘅名牌袋要價約20萬港元、近萬港元嘅名牌鞋，以及要價約2萬4千港元嘅行李箱，全身上下加埋成25萬港元嘅「貴價行頭」，認真土豪味濃呀！而事實上，婚後嘅宣云雖然無喺社交網高調放閃婚姻生活，不過就成日喺社交網賣大包，盡騷美腿騷胸之餘，身上嘅名牌首飾及生活都極盡奢華。