周華健同老婆手拖手蜜遊日本　凍齡童顏再掀熱議

現年61歲嘅90年代「天王殺手」周華健，熱愛音樂嘅佢除咗唱功了得，天生嘅凍齡童顏亦喺唔少網友重點關注之一，而繼早前佢同混血血仔仔周厚安嘅合照，因凍齡童顏震驚唔少網友後，近日陪美籍老婆去咗富士山玩嘅佢，又再因凍齡童顏搶Fo！

向來風趣幽默又親民嘅周華健，最近就陪咗老婆去日本富士山玩，而喺當地巧遇粉絲嘅佢，面對合照要求唔止大方同意，仲叫埋老婆一齊合影留念，夫妻感情認真恩愛甜蜜，不過相比周華健同老婆嘅互動，網友則更關注周華健嘅凍齡童顏，紛紛留言道：「周華健和他太太看起來像差了十幾歲！」、「是周華健太年輕，說明華健太太是自然老去，不過我覺得還挺有氣質。」不過，事實上周華健同美籍老婆係同年同月同日生，結婚37年恩愛如初。另外，更有網友搞錯重點，奇怪明明喺內地忙緊做真人騷導師嘅周華健，點解會有時間去日本遊行，對此則有網友解釋道：「都是提前錄製的等剪輯再播出！」