陳展鵬趕拍劇快閃3日　美國開騷臨時加位慰Fans

陳展鵬剛剛於西雅圖舉行演唱會，由於反應熱烈，更要臨時加開前排位置，粉絲都很瘋狂，展鵬更遭台下男粉擁抱。太太單文柔亦有隨行，二人又到景點打卡，甜蜜非常。

視帝陳展鵬日前於美國舉行演唱會，現場座無虛席，因為不夠座位要加開前排，氣氛高漲。女粉絲不停狂叫展鵬靚仔有型，男粉絲亦相當瘋狂，展鵬落台握手更時遭一名男粉絲擁抱。太太單文柔亦有一同前往，現場更幫老公拍片。展鵬接受東網訪問時謂：「今次做咗FANS MEETING同演唱會，唱自己新歌，亦有唱啲電視主題曲，其實呢個演唱會喺疫情之前已傾，首要係美、加，因為呢度嘅朋友都有睇我嘅電視劇，都有好多年冇見，但因為今次要趕返香港拍《逆天奇案2》，原本係做巡迴演出，依家就暫做一場，年尾再繼續。」展鵬亦透露9月尾完成劇集拍攝就會到馬來西亞再會那邊的粉絲。

今次由於時間太趕，展鵬與Phoebe機程連演出都只逗留3日，他笑言急趕程度破了自己的紀錄，故二人沒有帶同女兒小豬比一同前往，但演出後展鵬都有跟太太到場地附近拍照留念，相當恩愛。