馮盈盈「零胸」配火柴腳　頭大身細惹人擔心

前港姐冠軍馮盈盈（Crystal），獲「解凍後」正式加入新劇《逆天奇案2》的拍攝工作，更與同劇演員高鈞賢行深圳超市，關係非常要好。Crystal日前分享美照，見她穿上緊身短背心露出纖腰，配上一條桃紅色短裙，腳踏人字拖笑容滿面，其打扮與近期大熱的Barbie十分相似。可惜照片曝光後，網民發現她上圍離奇消失，雙腿幼如火柴，造成頭大身細的比例，健康狀況惹人擔心。幸好仍有網友讚她雖然瘦了但靚女依然。

不過稍後佢即急急為自己澄清，指自己只係做跑步帶氧運動保持健康，自己有按時食飯，加埋戒食垃圾食品，大家咁講反而畀佢知做運動真係好有成果，叫大家唔使擔心佢。