湯怡2歲愛女入讀名牌學校　陳展鵬囡囡都係校友

2021年初宣布閃婚嘅湯怡，同年6月誕下囡囡「麥QQ」麥紫喬，而時光飛逝囡囡已經2歲之餘，仲到咗入學年齡，日前（10日）湯怡亦喺社交網晒出囡囡紮孖辮着校服嘅得意相，引嚟唔少網友激讚「好Cute」。

湯怡喺社交網寫道：「感動又感觸，唔經唔覺紫喬返學了，好記得我細細個嘅時候，成日黐住袁媽媽，屋企範圍外，只要媽咪唔喺我視線之內，就會喊到拆天（因為我覺得媽咪唔要我），最經典係升小學一年班喊足一個月，細個極度缺乏安全感（又或者係分離恐懼症）嘅我，依家會明白鼓勵紫喬行出第一步嘅重要性，細膽我哋就比個膽你，我哋一齊學習，學嫲嫲話齋，呢條路由你自己行喇！」

據悉，麥QQ入讀嘅國際英文幼稚園暨幼兒園，每年學費逾8萬港元，N班畢業後便可直升同校K1，過去該校不少畢業生亦入讀了傳統名牌小學，而視帝陳展鵬及單文柔嘅愛囡小豬比亦喺該校學生之一。