石恆聰專吼圈中人　同過連詩雅拍拖兼傳豪追DaDa

藝人蔡卓妍（阿Sa）驚爆與富三代石恆聰分手，結束6年情，但就強調冇第3者，分手後依然係朋友。其實石恆聰昔日緋聞多籮籮，更專吼圈中人，2014年佢曾與連詩雅（Shiga）拍拖，有指當時Shiga更帶同媽媽搬入男方租5萬嘅畢架山豪宅，兼出入有司機接送，至2016年一度分手，雖然同年底秘密復合，但最終亦於翌年再分手，並於年中撻着阿Sa。

另外，有指石恆聰過去喜愛夜蒲，曾豪追陳靜（DaDa）、日本𡃁模田代麻衣等，有傳佢出手闊綽，落夜店酒水全包外，車尾箱仲長期放滿名牌手袋及手機，隨時送禮冧女。