鄭嘉穎陳凱琳慶祝結婚5周年　驚爆黃智賢「第三者」

藝人陳凱琳（Grace）同鄭嘉穎2018年結婚至今，共育有3個仔仔嘅佢哋一家五口生活幸福美滿，而隨着喺11日一家人幫2仔鄭承亮（Yannick）慶祝完生日無耐，尋日（13日）夫妻2人又要慶祝結婚5周年，恩愛又甜蜜嘅感情生活，認真羨煞旁人。

尋日（13日）迎嚟結婚5周年嘅鄭嘉穎夫妻2人，就撇甩咗3個仔仔撐枱腳，盡情享受2人世界，引嚟唔少圈中友人送上祝福外，其中一張2位頭戴紅色Cap帽嘅男士合照，竟然意外搶Fo，原來現場除咗有鄭嘉穎夫妻喺度撐枱腳浪漫慶祝，仲有黃智賢呢位「電燈膽」喺度，望住兩兄弟喺度把酒言歡嘅親密樣，唔講都唔知邊位先係真正嘅「第三者」呀！