G Cup「學霸女神」不滿被屈私密片外流　怒拎寫真集澄清

台灣網紅「蘋蘋澎澎」王正蘋（阿蘋）有着G Cup傲人上圍嘅佢，唔止樣靚身材正，畢業於台灣名校師範大學嘅佢，同時都係一位高材生，被唔少網友封為「學霸女神」，人氣高企。而日前，阿蘋就喺社交網透露自己被人惡意造謠私密片外流，為咗以示清白嘅佢，仲喺社交網晒出寫真集比對私密部位，澄清片中女主角不是自己。

阿蘋透露道原本自己都唔打算理會，不過隨着騷擾私訊愈嚟愈多，甚至有人將影片寄到工作室信箱，令佢忍無可忍，決定拍片澄清外，仲拎埋寫真集比對私密部位，表示自己胸部下方、右手都有一粒墨，而對比影片中嘅女主角就唔見有墨喺身。阿蘋亦坦言道：「我願意跟大家分享我的身材，不代表我願意被任何人用這樣子的形式傷害污衊，沒有任何人應該承受這種惡意。」最後，阿蘋都忍唔住向惡意造謠嘅人道：「祝福你們以後出去上廁所都沒有衞生紙、買飲料都沒有零錢、出門沒帶鑰匙。」