炎明熹驚喜現身《逆天奇案2》　再度本色演出惹注目

聲夢人氣王炎明熹（Gigi）趁最近放暑假，密密參與幕前演出，不但進行多場商演，被指火速勁賺500萬，又到內地拍攝真人騷節目《唱遊大灣區》，原來近日更再度入劇組，參演無綫重頭劇《逆天奇案2》。劇集監製劉家豪於社交網率先公開劇照，並留言：「Gigi 炎明熹強勢加盟，逆天2全速拍攝中。」

相中見Gigi以露腰裝上陣，喺關嘉敏及趙璧渝保護下逃跑，身後有粉絲舉起「Gigi炎明熹」應援紙牌，估計今次喺劇中再度演番自己，網民即笑指：「又本色出演」、「又係演自己哈哈哈」、「阿Gi每次都係演自己」、「係咪又演佢自己炎明熹」。其實Gigi今年客串《愛．回家之開心速遞》時，已經係演自己，做番「偶像炎明熹」，同熊家及Philip仔合照互動。