黃子佼仍涉性罪名　孟耿如自家品牌曝爆炸傷人事件

台灣主持人黃子佼6月捲入#Metoo風波後演藝事業全面停工，現涉妨害性自主罪獲准擔保，其太太孟耿如都一直陪伴在側，不過依家佢都自身難保，因為佢創立一年嘅副業香氛蠟燭，竟傳出多宗容器爆炸傷人事件，前員工上網控訴，有客人被燙傷，更指蠟燭爆開後仍在桌面燃燒險釀火災，嚴重打擊其生意！

孟耿如選旗下出事香氛蠟燭品牌官網上，顯示該款多次出事嘅蠟燭索價1,880元新台幣（約460港元），公司前員工近日就網上料料，指多位客人均反映蠟燭容器爆炸傷人，但公司指只係個別案件，產品如今仍繼續銷售。直至尋日（14日），孟耿如終於跪低，發6百餘字長文致歉，承諾立刻調整商品，並指收到兩、三位顧客反饋後，佢都有喺產品上附上小卡提醒，之後就再冇瓶器碎裂消息。