劉亦菲與李現譜姊弟戀　差4歲依然零違和CP感十足

由「神仙姐姐」劉亦菲攜手李現主演嘅清新療癒愛情劇《去有風的地方》，喺內地有着極佳嘅口碑及流量嘅同時，15日更正式喺台灣播出，人氣驚人。雖然劉亦菲同李現相差4歲，劇中又無轟轟烈烈嘅愛情線，不過2人嘅互動仍然CP感滿滿，唔止表白真摯感人，仲送項鍊做離別禮物，認真溫馨浪漫外，引嚟唔少台灣女網友直呼李現「太有心機」，令劉亦菲即使離開都可以繼續睹物思人。

另外，劇中劉亦菲嘅「文青打扮」亦喺台灣廣受好評，唔止展現出角色嘅隨性性格，更掀起一波模仿潮，至於自己私下嘅打扮，劉亦菲就透露道主要睇心情：「如果是一個臭美的心態、渡假或者怎麼樣，可能就會覺得有時候Bling Bling的挺好，但平時基本上舒服為主，愈簡單愈好。」而值得一提嘅喺劇中有住極嚴重起床氣嘅「許紅豆」，亦因劉亦菲嘅完美演繹引起唔少觀眾共鳴，紛紛直言：「簡直就是在演我本人」外，甚至激讚劉亦菲係「本色演出」，事實上劉亦菲曾幽默表示自己無起床氣：「因為我都睡到不氣了才起來。」認真可愛呀！