Edan「基因突變」現藍耳　演唱會綵排拍MV打孖嚟

MIRROR成員呂爵安（Edan）首個個人騷即將舉行，依家「未出發先興奮」嘅佢密鑼緊鼓咁為個唱綵排，估唔到佢咁忙都仲要化身外星人拍MV，仲要社交網Keep住更新，真係好辛苦！年輕就是本錢嘅Edan晒出MV新造型，連佢自己都話係終極劇透：「終極劇透！其實前兩日偷偷地拍咗個瘋狂MV，化妝都化咗3個鐘，估唔估到今次又玩乜？」又留言：「希望演唱會可以大家一齊合唱！」見佢一身外星人打扮，尖長耳仔搶晒Fo，加埋誇張眼妝等配合，又真係好有Feel。