凡人恨唔到︱陳茵媺獲VIP待遇入駕駛艙　陳豪接機

前港姐冠軍陳茵媺（Aimee）同視帝陳豪婚後生咗3個仔女，佢早前趁暑假一拖三湊仔女返老家加拿大，一轉眼又開學，佢都急急帶埋3仔女返港，意想不到港姐冠軍確係勁，連搭飛機都有特別待遇。佢喺社交網晒出多張駕駛艙相，原來佢一家四口走入飛機駕駛艙打卡，三個仔女坐喺駕駛位置，又同四位機長合照，Aimee自己都一嘗機長癮，佢以英文留言：「一家團聚 #chanchanfamily 感謝出色的 #Captain 和 Crew 邀請我們進入駕駛艙，經過16小時的飛行，對我和仔女來說都是一種享受。」轉個頭又獲老公陳豪接機，接近兩個月冇見仔女，佢一見面即攬到實，慈父樣出晒嚟。