沈殷怡性感遊日本　卡通衫着出3D激凸效果

ViuTV女神沈殷怡（Shirley），有住36C傲人湯碗胸嘅佢向來都係「性感擔當」，加上不時喺節目、社交網大派福利嘅關係，人氣更係高踞不下。而最近去咗橫濱旅行嘅Shirley，就喺社交網晒出一輯着貼身小背心襯牛仔短褲嘅性感靚相，並寫道：「最近最快樂的事。」引嚟唔少網友睇到嘩嘩聲外，認真係Happy Share！

只見Shirley身上件吊帶小背心，唔止包唔住佢飽滿上圍，甚至因為佢上圍太豐滿，就連上面隻比卡超都畀佢撐到變形，相當震撼眼球外，另一張高炒自拍亦相當有睇頭，盡騷傲人湯碗胸及深不可測嘅事業線，引嚟唔少網友大讚：「太幸福滿滿了！」、「震撼全橫濱！」、「身材好件衫先有立體感，唔係人人都做到！」、「要夠大先支配得起比卡超！」、「傳說中嘅大眼比卡超！」、「睇見都想收服！」、「都一樣係放電嘅怪獸！」