黃曉明豪宅罕有曝光　1舉動被踢爆為人自戀

內地男星黃曉明自從同Angelababy離婚後，感情生活相當精彩，更先後同葉珂及趙仕瑾傳出緋聞，不過黃曉明至今仍未正式回應過任何一段戀情。而近日，黃曉明就懶理緋聞滿天飛，同朋友相約喺屋企飲茶，隨着朋友喺社交網晒出飲茶影片，黃曉明嘅豪宅亦隨之曝光。

喺黃曉明朋友流出嘅片段可見，豪宅內嘅空間設計非常廣闊外，樓底設計亦相當高，而室內裝修亦以暖色調為主，整體簡潔大方。而客廳位置則擺咗張大型梳化，並喺中間位置擺咗部超大型電視機，屋企闊落程度認真驚人。

另外，黃曉明背後嘅牆櫃亦擺滿咗各式各樣嘅茶葉精品，從紫砂壺到青花瓷等應有盡有，加上畀黃曉明用透明長盒珍而重之保管，令唔少網友揣測應該價值不菲。而最搞笑嘅係黃曉明更畀朋友笑稱：「這個人呀！一定要在他們家看他演的戲，像這樣的人真的是誰都應該請他拍戲。」雖然畀朋友咁樣笑，不過黃曉明都仲係笑到四萬咁口，睇嚟2人關係不俗。