李幸倪崇尚天然 不考慮整容
2023年08月19日 21:46
東網電視
更多新聞短片
![](/hk/bkn/cnt/entertainment/20230819/photo/bkn-20230819214645103-0819_00862_001_01p.jpg?20230819234954)
歌手李幸倪(Gin Lee)今晚(19日)以一襲粉紅裙出席十大健美名人頒獎禮,她透露明天便跟粉絲舉行生日派對,大感開心:「懷疑自己今晚會瞓唔着,我要準備唱歌、玩遊戲同搞氣氛,希望粉絲開心。以往生日都係同父母去旅行,但過去幾年因為疫情,幾年冇搞歌迷聚會,難得今次可以見到大家,我話所有粗重嘢等我嚟,我會準備好多唔同節目同禮物畀大家,我叫佢哋唔駛送禮物,想送就捐錢去善慈機構。」
講到獲十大健美名人獎,Gin自言感驚訝,她自認還有很多進步空間:「每一個身體部位都可以練好啲。(咁要整容?)又唔駛,我鍾意天然,靠運動同飲食。(駛唔駛有啲地方再大啲?)我都感恩,已經好滿足。」
另外,提到容祖兒之前演出時飛咪落台,Gin表示也試過,所以身同感受:「兩年前一個騷,我要跳唱,我其中一隻手揸住枝咪舉高手,點知個舞蹈員唔小心撥到我支咪,我見到枝咪打咗幾個圈跌咗落地,好在冇跌落台,人生第一次喺台上咁冇安全感,我下意識執番枝咪,好在枝咪冇壞可以繼續唱。(你好叻執生?)發生呢件事之前我都唔知原來自己OK,但希望唔好再發生,因為真係好驚。」
對於近日有關李玟擔任《中國好聲音》時轟賽制不公,曾任歌唱比賽《聲夢傳奇》導師的她坦言若對節目有疑問會跟監製溝通,有問題會攤出來討論,每次都是有商有量,而曾參加過《中國好聲音》的她直言當年自己仍是新人一名,對很多事也不認識,甚至接觸不到節目高層,所以當時只是注專比賽,至於有參賽者爆節目組不尊重選手?她說:「我唔知佢哋嘅遭遇係點,但我參加前有調節自己心態,我對期望放到最低,我參加比賽只係當去學習,就算同平時自己做嘢方式唔同,我都當係一個體驗,可能因為一早調節咗心態,所以覺得所有嘢都OK,比較容易適應。(會唔會都好着緊分數?)音樂比賽係比較主觀,每個人嘅音樂喜好唔同,可能我覺得自己唱得幾好,有啲人會鍾意,但有啲人唔鍾意,當然會失望但都會接受。」