朱晨麗「峰」騷晒纖腰　懷孕傳聞不攻自破

藝人朱晨麗近日被指同年輕有為富二代史昊洺撻着，仲爆出1張佢肚凸凸疑似懷孕嘅照片，引起網民熱議，不過佢否認各種傳聞，指自己冇人追，亦冇佗B！佢今日（20日）亦有於社交網上載新嘅旅行照，戴帽吊帶背心外披恤衫外套配熱褲嘅佢，大晒長腿，身材望落幾Fit，而佢另一好姊妹白雲，亦有喺社交網晒出同朱晨麗嘅合照：「早前在泰國玩了幾天好爽呦，周圍堵車，只能搭地鐵，我們都累瘦了。今天聽到個大笑話，omg，笑到兩個人流眼水。我們絕對笑發財。」照片中看到朱晨麗以低胸裙上陣，大晒事業線，同埋Fit爆纖腰，狀態不俗，令懷孕傳聞不攻自破！