何沛珈低調戀情　讚「男友」阮浩棕勤力

無綫力捧女神何沛珈近日被東網爆撻着上位小生阮浩棕，今日（21日）何沛珈現身劇集宣傳，講到拍拖，她迴避說：「因為拍劇所以識咗好多朋友，唔止佢，仲有周嘉洛同林夏薇。」她盛讚阮浩棕是個勤力又畀心機的演員，但強調感情事順其自然：「我入行只係3年，事業未有成，想先專注工作，希望大家留意多啲我拍嘅劇。（要事業成先公開？）依家工作係開始階段，到時再算。（公司唔想你公開？）公司冇畀壓力。（你唔想公開？）每個藝人都想公眾留意自己嘅工作，就算有拍拖，都係低調處理。（同對方有共識？）以我嘅認知係唔想畀任何事情影響到工作。（怕影響到對方事業？）每個藝人都希望公眾留意自己工作，私生活低調處理。（依家係地下情？）問番套劇啦！」