謝安琪張繼聰首度合作出歌　唱出婚姻態度

藝人謝安琪（Kay）早前透露今年生日收到份獨一無二的禮物，就是由丈夫張繼聰親自編寫的一首歌。如今Kay亦終於發布最新單曲《成婚破浪》。該曲更是她和阿聰進軍樂壇18年來的首次正式合作，由阿聰作曲，加上小克填詞。Kay望藉着歌曲，分享現階段對婚姻看法，亦望能祝福仍然相信婚姻的人。

Kay將對婚姻的感受告訴小克：「人生大事以前啲人至少有三件：出生、結婚、死亡。以前啲人覺得結婚係同生死一樣咁重要，但係現代人嘅婚姻成功率唔算係好有保證，開始有好多人選擇唔結婚，可能用第二啲形式去追求愛情或者關係，所以我特別想去祝福仍然相信婚姻嘅人。我覺得大家可以拖住手踏入呢個承諾，有勇氣一起去面對將來嘅重重關卡，開展人生新嘅階段已經係福氣，所以能夠有呢個人令你決定要結婚、有呢份經歷，已經係好難得嘅事，所以就有呢首歌。小克真係好完美咁將我嘅感受，我對婚姻嘅睇法都寫晒落去。」

Kay亦希望《成婚破浪》能成為別人婚禮當天所唱的歌，因為多年來，有不少人邀請她到婚禮當嘉賓演唱《囍帖街》，但心裏總覺得有點「怪怪的感覺」，她解釋：「《囍帖街》係傷感嘅，我好明白大家好鍾意呢隻歌嘅心情，因為嗰份心意係大過一切，所以我都順應主人家的心意演唱。但係依家終於有一首真係帶住溫暖嘅祝福，適合係婚禮當日唱嘅歌喇。」亦因為這一份祝福，這次Kay更為《成婚破浪》找小克畫出一張「囍帖」，用作宣傳之用，而且能以「囍帖」回應大家對她最熟悉印象，再以《成婚破浪》道出對結婚的憧憬。

今次《成婚破浪》的MV是由「水野月」製作，他們是年輕人喜愛的網絡短片製作的團隊，Kay很欣賞他們的想法、能量、以及對拍攝的熱誠，他們今次第一次製作MV，有一種清新及青澀感。MV講述兩對情侶的故事，Kay解釋因為不想樂迷錯將重點放在自己身上，局限了MV的想像空間，所以決定不參演MV，讓樂迷能以自身角度感受這歌。角色交由好友簡慕華（Rachel）、張滿源（Kenneth）以及「水野月」的阿潮和Yoyo飾演情侶，她補充：「呢個MV係通宵拍攝，我都有去現場支持打氣。特別鳴謝Rachel同Kenneth，佢哋兩位真係好幫忙，一口答應邀請，演澤得非常好。」

MV的最後留有彩蛋，Kay笑言彩蛋是吸引大家去留意某些事，更指彩蛋代表《成婚破浪》啟航後會有很多事發生，故留下註腳。