胡歌擬停工5年做「更有意義的事」：你們會支持我吧？

內地男神胡歌近年影視作品產量大減，今年初更突然宣布為人父，太太及女兒身份極盡保密，以為佢要開始努力搵奶粉錢，點知佢再次拋下震撼彈，發文預告有停工5年嘅打算：「如果未來五年我不拍戲了，去做一些更有意義的事情，你們應該會支持我的吧？」疑似打算暫退演藝圈。

消息一出，估唔到胡歌粉絲不單未有支持偶像作新嘗試，更以激將法「勸」佢唔好退出：「你不會要去沙漠種樹吧」、「是甚麼讓你覺得內娛沒有你可以？沙漠多了你就行了？」、「喝大了就說你喝大了 別說這些」唔肯接受想暫退嘅意願。而「#胡歌 如果未來五年我不拍戲了#」話題更已有1.2億閱讀量，明顯嚇親一眾網友。