蔡徐坤大翻身韓國做音樂　同款Cap帽半個鐘售罄

內地頂流男星蔡徐坤今年6月被爆出要求女生墮胎風波，及後又捲入未成年性醜聞，之後佢就「人間蒸發」被飛出綜藝節目《奔跑吧》泰國篇，被多方品牌劃清界線cut代言關係，社交網停止更新。看似工作停擺，但原來佢嘅演藝夢不死，尋日（21日）佢突然更新社交網，上載與音樂人合照，並寫道「Sharing love」。有眼利粉絲認出佢正身在韓國YG新大樓，身旁更係YG製作人Choice37，即被解讀偶像最近繼續做音樂，加上佢出post時間若以韓國時間計已係8月22日，認為佢揀喺七夕祝福大家。

本以為人氣下滑嘅蔡徐坤，今次突然出post，相中佢所戴嘅品牌黑色cap帽，已被粉絲立刻上網站搜刮同款，所有平台半小時內就宣告售罄，頂流人氣仲保得住。