港姐2023︱郭珮文自爆有社恐　怕決賽失準大熱倒灶

本屆港姐佳麗16號郭珮文（Juliana）被封大熱，今日台上介紹自己表現尚算鎮定。她透露自己連日來積極備戰，本身患有「社恐」的她笑說：「依家日日催眠自己，叫自己唔好驚，最擔心係臨場表現失準，到時因為緊張講唔到嘢！（點解會有社恐？）我都唔知道，但希望藉着參選去克服呢個心理關口。（改善咗？）仲有少少，性格問題，我比較怕醜。」

對於被指為大熱，她不忘多謝大家支持之餘，承諾會盡力做到最好。問到她覺得哪位佳麗是自己心目中冠軍，Juliana沉默片刻答說：「其實我覺得好多位嘅表現都好好，尤其9號潘明璇及15號莊子璇談吐好叻，而17號王敏慈好有自信。（你同17號好朋友？）都係嘅，唔知點解我平日冇乜嘢，但一上台就好緊張，都擔心影響決賽當晚嘅表現。」