黃翠如「廚房破壞王」　連詩雅爆蕭正楠家庭煮「夫」

黃翠如、陳自瑤、連詩雅（Shiga）等主持的無綫節目《煮東煮西》因反應熱烈，乘勝追擊推出「中秋篇」應節，周四（24日）播出的一集海鮮篇，支嚳儀炮製甜品紫薯香芋雪耳羹，翠如在節目中表現繼續活躍，一開始便嚷着要幫手處理食材，怎料出師不利愈幫愈忙，Shiga笑問：「你平時喺屋企會幫吓手？」翠如笑笑口說：「冇喎，哈哈！但我都有洗碗嘅。」Shiga則踢爆說：「但我見到 Edwin（蕭正楠）洗埋碗喎。」翠如即解釋說：「因為佢見到啲嘢污糟，就會忍唔住即刻洗！」對廚房事一竅不通的翠如又天真地發問：「啲鮑魚會唔會有流心㗎？」莫家嘉聞言笑說：「嗰啲係溏心，真係要留心聽書！」

周五（25日）一集的主題是粥粉麵飯，節目尾聲，顏志恒與支嚳儀獻唱《但願人長久》應節，之後大家互訴心中情，支嚳儀坦言好感恩：「大家都好有熱誠好有愛，我哋好短時間就打成一片，好似一家人咁。」名廚黃亞保則說：「喺幾位主持人帶領之下，我口才變好咗。」翠如聞言即說：「你直頭有啲寸添啦！」