張惠妹Sam激罕放閃　「男友視角」甜到暈

台灣天后張惠妹最近舉辦世界巡唱，忙於各地周圍飛嘅佢，簡直愛情事業兩得意，而日前（22日）適逢七夕情人節，男友Sam更激罕喺社交網晒出「男友視角」片放閃，認真恩愛。

張惠妹男友Sam喺社交網晒出段「男友視角」影片，只見戴黑色Cap帽、黑超、黑Tee及黑色長褲嘅張惠妹，絲毫唔見有天后架子，成個小朋友咁坐喺將櫈到搖下搖下，充滿童真嘅表現引嚟唔少網友大讚可愛外，Sam更寫道：「她～那天8歲」隔住個Mon都Feel到濃濃愛意外，亦引嚟唔少網友留言道：「這個小汽車準備被大家打卡打爆了！」、「好喜歡這種視角啦！」