羅霖生日會與家人過：都想搵個伴

身為基督教徒的羅霖，竟擔任佛教廟宇「太陰娘娘廟」祈福活動的代言人，當被問到會否有衝突，她坦言：「所有宗教都係導人向善啫，信咗教亦唔代表唔會做壞事，最緊要心存善念，好似我媽咪都拜觀音，唔通我唔睬佢咩？」

明天58歲生日的她，透露正日會與家人過：「不過近日都有好多朋友請食飯幫我慶祝。（生日願望呢？）希望大家身體健康，我工作順順利利，都想搵個伴嘅。」她不諱言由於3名兒子都日漸成長，身邊朋友開始為她牽紅線，希望早日覓得良緣，羅霖坦言身邊已有可發展的人選，但不會衝動開始一段感情：「需要啲時間去觀察，同埋都唔會諗結婚嘞，都係想有人陪吓同錫吓啫。」