E奶大元激罕晒一件頭　Big爆上圍渾圓美臀勁吸睛

台灣女星大元（林艾璇）同男星鼓鼓（呂思緯）秘戀十年，今年終於公開認愛嘅佢哋，引嚟唔少網友祝福外，尋日（22日）雖然喺佢哋認愛後嘅第一個七夕情人節，不過就唔見大元有分享男友鼓鼓嘅合照，但大元反而激罕賣大包，喺社交網晒出同閨蜜去墾丁度假嘅比堅尼相，Big爆上圍嘅傲人好身材，更引嚟唔少網友睇到嘩嘩聲呀！

雖然兩女都係着一件頭嘅比堅尼，不過睇款式設計似乎有事先約好，一齊騷震撼眼球嘅渾圓美胸外，另一張大元烏身倒奶嘅獨照亦相當有睇頭，綁繩嘅中空設計露出白滑美背及性感蜜桃臀，盡晒玲瓏浮凸好身材，並寫道：「剛好選了這兩天來玩，剛好今天是七夕情人節，剛好跟着這只小可愛（焦凡凡）一起過，沒有情人也能過得精彩又充實，謝謝大家的照顧。」引嚟唔少網友激讚之餘，仲有網友搞笑問：「室友（鼓鼓）忙碌工作中嗎？」、「呂糾察隊員再三秒後即將抵達現場。」