黃子韜徐藝洋香港高調同遊　情侶裝現身唔畀合照

內地小生黃子韜同自家娛樂公司龍韜娛樂文化旗下藝人徐藝洋盛傳熱戀，二人自2020年開始已被多次拍到約會照，不過二人至今都冇承認戀情，黃子韜就曾解釋過因為怕另一半被粉絲鬧，反正依家公唔公開都一樣等，似默認戀情。不過佢哋愈愛愈高調，近日二人就被發現齊齊現身香港，黃子韜更同徐藝洋以情侶裝周圍走，雖然黃子韜以cap帽、黑超遮樣，但都依然被認出。

而另一日亦有網民喺香港偶遇二人，仲上前詢問可否合照，不過黃子韜就表示因為係私人時間，所以唔方便合照。隨住黃子韜同徐藝洋多年感情不變，大批網民都希望佢哋可以快啲官宣，但要過黃子韜粉絲呢一關，睇嚟都仲要啲時間喇。