何雁詩馬爾代夫再度蜜月　盡騷火辣三點式

歌手何雁詩跟老公鄭俊弘撇甩囝囝出走，兩人飛到被譽為人間天堂馬爾代夫旅遊，阿詩在社交網大晒水着，穿上火紅色三點式的她健康性感，她形容今次是他們的「Honeymoon 2.0」，她寫道：「第一次擺底Asher（囝囝）出走二人世界，就係到我老公嘅夢想之旅馬爾代夫！雖然心底好想念BB，但係一嚟到感受到呢度職員嘅熱情就窩心晒。」

鄭俊弘就負責揸機幫老婆影靚相，面對靚得令人心醉的地方，他笑言要考慮在這裏多留幾天，阿詩說：「我已經準備好放鬆好好享受我嘅時光。」